இதுகுறித்துப் பேசிய ராஜமெளலி, “இந்தப் படத்தை அவர்கள் எதற்காக எதிர்க்கிறார்கள் என்று தெரியவில்லை. கடந்த 9 வருடங்களில், ‘பாகுபலி’ முதல் பாகம் முதற்கொண்டு பல்வேறு படங்கள் ரிலீஸாகியுள்ளன. அப்போது எதிர்ப்பு தெரிவிக்காதவர்கள், இப்போது ஏன் எதிர்க்கிறார்கள் என்று தெரியவில்லை. காவிரி பிரச்னை, சென்சிட்டிவ்வான பிரச்னை. அதற்கும், எங்களுக்கும் எந்த சம்பந்தமும் கிடையாது. சத்யராஜ் இந்தப் படத்தின் இயக்குநரோ, தயாரிப்பாளரோ கிடையாது என்பதை அவர்கள் புரிந்துகொள்ள வேண்டும்” எனத் தெரிவித்துள்ளார்.
“இந்தப் படம் அங்கு திரையிடப்படவில்லை என்றால் பாதிப்பு தயாரிப்பாளர் மற்றும் இயக்குநருக்குத்தானே தவிர, சத்யராஜ் போன்ற நடிகர்களுக்கு எந்த இழப்பும் இல்லை” என தயாரிப்பாளர் ஷோபு தெரிவித்துள்ளார்.
