நடிகையின் வாழ்க்கையை மாற்றிய ‘கடுகு’

பாரதிராஜா இயக்கிய ‘அன்னக்கொடி’ படத்தில் அறிமுகமானவர் சுபிக்ஷா. அந்தப் படம் சரியாகப் போகவில்லை. எனவே, மலையாளம் மற்றும் கன்னடப் படங்களில் நடித்து வந்தவர், தமிழிலும் ஒருசில உப்புமா படங்களில் நடித்துள்ளார். இந்நிலையில், சமீபத்தில் வெளியான ‘கடுகு’ படம், அவருக்கு நல்ல பெயரை பெற்றுத் தந்துள்ளது. அத்துடன், பல்வேறு பட வாய்ப்புகளும் அவரைத் தேடிவந்துள்ளன. ஏ.வெங்கடேஷ் இயக்கத்தில் ‘நேத்ரா’, பாலாஜி சக்திவேல் இயக்கத்தில் ‘ரா ரா ராஜசேகர்’ மற்றும் ‘பொதுநலன் கருதி’ ஆகிய படங்களில் தற்போது நடித்துவரும் சுபிக்ஷா, இனிமேல் நல்ல கதைகளாக மட்டுமே தேர்ந்தெடுத்து நடிப்பது என முடிவு செய்திருக்கிறாராம்.