மலையாள இயக்குநரான வினித் ஸ்ரீனிவாசனின் தம்பியான த்யன் ஸ்ரீனிவாசன் பல மலையாளப் படங்களில் நடித்தவர். தற்போது அவர் இயக்குநர் அவதாரம் எடுக்கப் போகிறார். இந்தப் படத்தில் நிவின் பாலி ஹீரோவாக நடிக்கிறார். அவருக்கு ஜோடியாக நயன்தாரா நடிக்கலாம் என்று கூறப்படுகிறது. அப்படி நயன்தாரா நடித்தால், மலையாளத்தில் முதன்முறையாக இளம் நடிகருடன் ஜோடி சேர்ந்தார் என்ற பெயர் கிடைக்கும். காரணம், மம்மூட்டி, மோகன்லால், ஜெயராம், திலீப் என இதுவரை பெரிய நடிகர்களுடன் மட்டுமே நடித்துள்ளார் நயன். பெரிய நடிகர், சின்ன நடிகர் என்ற வித்தியாசம் பார்க்காமல் தமிழ், தெலுங்கில் நடித்து தன்னை நிலைநிறுத்திக் கொண்ட நயன், இந்தப் படத்தில் நடிப்பதன் மூலம் மலையாளத்திலும் தன்னை நிலைநிறுத்திக் கொள்வார் என்கிறார்கள்.
