நான்கே நாட்களில் எடுக்கப்பட்ட ‘சென்னை விடுதி’படம்

ஒரு படத்தை எடுக்க ஒரு வருடத்திற்கு மேல் செலவழிக்கும் ஷங்கர் போன்ற இயக்குநர்களுக்கு மத்தியில், சிங்கிள் ஷாட் மூலம் நான்கே நாட்களில் ஒரு படத்தை எடுத்துள்ளனர். ஷெபி இயக்கியுள்ள அந்தப் படத்தின் பெயர் ‘சென்னை விடுதி’. ரியாஸ் கான், உமா ரியாஸ் இருவரும் முதன்மைக் கதாபாத்திரங்களில் நடித்துள்ள இந்தப் படத்தில், தலைவாசல் விஜய், நிழல்கள் ரவி, லிவிங்ஸ்டன், பாண்டியராஜன், அப்புக்குட்டி ஆகியோர் நடித்துள்ளனர். சென்னையிலுள்ள லாட்ஜ் ஒன்றில் கொலை நடக்கிறது. அந்த சர்க்கிளின் இன்ஸ்பெக்டரான உமா ரியாஸ், சப் – இன்ஸ்பெக்டரான ரியாஸ் கானுடன் சேர்ந்து கொலையாளியைக் கண்டுபிடிப்பதுதான் கதை. சிங்கிள் ஷாட் என்பதால், கேரளாவில் செட் போட்டு படம்பிடித்திருக்கிறார்கள். அத்துடன், தவறுகளைப் பெரிதுபடுத்தாமல், தங்களால் இயன்ற அளவுக்கு சிறப்பாக நடித்திருக்கிறார்களாம். முதலில் திரைப்பட விழாக்களில் திரையிட்டு, அதன்பிறகே திரையரங்குகளில் ரிலீஸ் செய்ய முடிவெடுத்திருக்கிறாராம் இயக்குநர்.